కీర్తి సురేష్ పుట్టినరోజు సందర్భంగా రౌడీ జనార్ధన ఫస్ట్ లుక్ విడుదల

కీర్తి సురేష్ పుట్టినరోజు సందర్భంగా రౌడీ జనార్ధన టీమ్ ఆమెకు అదిరిపోయే గిఫ్ట్ ఇచ్చింది. విజయ్ దేవరకొండ సరసన కథానాయికగా నటిస్తున్న కీర్తి సురేష్ ఫస్ట్ లుక్‌ను మేకర్స్ విడుదల చేశారు.

ఈ పోస్టర్‌లో కీర్తి సురేష్ సంప్రదాయ దుస్తుల్లో పడవలో కూర్చుని ఉన్నారు. అయితే, విజయ్ దేవరకొండ ముఖం కనిపించకుండా జాగ్రత్త పడ్డారు. ఆయన లుక్‌ను ప్రస్తుతానికి రహస్యంగా ఉంచారు.

ఈ చిత్రంలో కీర్తి పాత్ర చాలా సున్నితంగా, సినిమాను అందంగా మారుస్తుందని చిత్ర బృందం పేర్కొంది.

రాజా వారు రాణి గారు ఫేమ్ రవి కిరణ్ కోలా ఈ రూరల్ మాస్ యాక్షన్ ఎంటర్‌టైనర్‌ను తెరకెక్కిస్తున్నారు. శ్రీ వెంకటేశ్వర క్రియేషన్స్ బ్యానర్‌పై దిల్ రాజు నిర్మిస్తున్న ఈ చిత్రానికి క్రిస్టో జేవియర్ సంగీతం అందిస్తున్నారు.

రణబాలి తర్వాత విజయ్ దేవరకొండ నటిస్తున్న చిత్రం రౌడీ జనార్ధన.