హిందీలో 400 కోట్ల వసూళ్లు సాధించినా, తెలుగులో బోల్తా కొట్టిన హనుమాన్ అంశ్

హిందీలో సంచలనం సృష్టించిన హనుమాన్ అంశ్, తెలుగులో మాత్రం బాక్సాఫీస్ వద్ద చతికిలపడింది. ఆంధ్రప్రదేశ్ మరియు తెలంగాణ ప్రేక్షకులు ఈ సినిమాను పెద్దగా ఆదరించలేదు.

హిందీ వెర్షన్ ప్రపంచవ్యాప్తంగా 400 కోట్ల రూపాయలకు పైగా వసూలు చేసింది. అదే క్రేజ్‌తో తెలుగు రాష్ట్రాల్లో కూడా భారీ వసూళ్లు వస్తాయని నిర్మాతలు, ట్రేడ్ వర్గాలు భావించాయి. కానీ అది జరగలేదు. నివేదికల ప్రకారం, తెలుగు వెర్షన్ మొదటి రెండు రోజుల్లో కేవలం 1.80 కోట్ల రూపాయల నెట్ వసూళ్లను మాత్రమే రాబట్టింది.

చాలా మంది తెలుగు ప్రేక్షకులు ఇప్పటికే ఈ సినిమాను హిందీలో చూసేయడం అతిపెద్ద సమస్యగా మారింది. థియేటర్లకు వెళ్లి మళ్లీ డబ్బులు పెట్టి చూడాల్సిన అవసరం లేదని వారు భావించారు.

తెలుగులో సరైన ప్రమోషన్లు చేయకుండా, కేవలం హిందీలో వచ్చిన భారీ వసూళ్లనే ప్రచారానికి వాడుకోవడం కూడా మైనస్ అయింది. తెలుగు ప్రేక్షకులను ఆకట్టుకోవడానికి ఆ వార్తలు సరిపోలేదు.