బిగ్ బాస్ తెలుగు 10: ముఖేష్‌తో తనది ప్రేమ కాదని స్పష్టం చేసిన వర్షిణి

బిగ్ బాస్ తెలుగు 10 హౌస్‌లో ముఖేష్‌తో తనది ప్రేమ కాదని వర్షిణి స్పష్టం చేసింది. 31వ రోజు త్రిగుణ్‌తో మాట్లాడుతూ, తన తండ్రి లేని లోటు వల్లే ముఖేష్‌తో అంత ఎమోషనల్ బాండింగ్ ఏర్పడిందని చెప్పింది.

తనను అమ్మే పెంచిందని, చిన్నప్పుడు తండ్రి చేయి పట్టుకునే అవకాశం తనకు దక్కలేదని, ఆ వెలితి తనలో అలాగే ఉండిపోయిందని తెలిపింది. ముఖేష్ చేయి పట్టుకున్నప్పుడు తండ్రి ఇచ్చే భరోసా, కంఫర్ట్ తనకు దొరుకుతుందని ఆమె పేర్కొంది.

ముఖేష్ తాను చెప్పేది ఓపిగ్గా వింటాడని, అందుకే తనకు అతను దగ్గరయ్యానని వర్షిణి చెప్పింది. బయట ఉన్నవారికి ఇది ప్రేమలా అనిపించవచ్చు కానీ, అది నిజం కాదని ఆమె క్లారిటీ ఇచ్చింది.

మరోవైపు హౌస్‌లో అపూర్వ గొడవ పడే తీరును దేబ్జానీ అనుకరిస్తూ వంశీ ముందు కామెడీ చేసింది. ప్రతి సీజన్‌లో ఇలాంటి కంటెస్టెంట్ ఒకరు ఉంటారని, అందుకే అపూర్వ లాంటి వారు హౌస్‌లోకి వస్తారని వంశీ అన్నాడు.

కొత్త ప్రోమోలో కిచెన్ ఏరియాలో సీన్ మారింది. చీర కట్టుకుని వంట చేస్తున్న దేబ్జానీతో చరణ్ ఫ్లర్ట్ చేస్తూ, నీ వంటలో ప్రేమ ఉందని అన్నాడు. దానికి ఆమె నవ్వుతూ ఆమ్లెట్ ఆఫర్ చేసింది. చరణ్ మంచివాడు కాదని నరేష్ హెచ్చరించగా, రామ్ ప్రసాద్ కూడా ఆటపట్టించారు. వాళ్లు జెలసీతోనే అలా అంటున్నారని చరణ్ అన్నాడు.

తర్వాత అమన్ కూడా దేబ్జానీ దగ్గరకు వెళ్లి, తనకి ఆమె అంటే చాలా ఇష్టమని చెప్పాడు. వెంటనే వంశీ అతన్ని పక్కకు వెళ్లమని సైగ చేశాడు.